أجهزة ومستلزمات طبية
تجهيز المستشفى بالأجهزة اللي بتفرق في وحدات الحروق، زي جهاز قياس تدفق الغازات ومستلزمات الأكسجين اللي بنجمع تمنه في الحملة دي.
مؤسسة أهل مصر
مستشفى أهل مصر لعلاج الحروق
مبادرة داخلية من
مريض الحروق مش بيستنى.وإحنا كمان مش هنستنى.
تبرعاتنا كلها بتروح لمؤسسة أهل مصر، عشان نوفّر بيها جهاز قياس تدفق الغازات ومستلزمات الأكسجين اللي المستشفى طلبتها، وتمنها 14,656 جنيه. كل جنيه منك بيقرّبنا منها أكتر.
اتجمع لحد دلوقتي
0جنيه
لسه محدش شارك · الهدف 14,656 جنيه
الهدف
14,656 جنيه
0%
فاضل 14,656 جنيهتمن الجهاز
ليه دلوقتي
كل مريض حروق بيبدأ رحلة صعبة، بس عمره ما بيمشيها لوحده
مستشفى أهل مصر لعلاج الحروق بيستقبل حالات من كل محافظات مصر، وبيقدّم العلاج مجانًا. ورحلة مريض الحروق مش بتخلص عند باب الطوارئ، فيها عمليات، وعلاج طبيعي، ودعم نفسي، ورجوع للمدرسة أو الشغل.
كل واحد فينا بيتبرع بالمبلغ اللي يقدر عليه. مفيش مبلغ صغير، و50 جنيه من كل واحد فينا بتفرق فعلًا.
- التبرع بيروح مباشرة لمؤسسة أهل مصر للتنمية
- مفيش أسامي ولا مبالغ بتظهر على الصفحة
تبرعك بيروح فين
فلوس الحملة بتروح لمؤسسة أهل مصر للتنمية
دي بعض من البرامج اللي المؤسسة بتشتغل عليها:
إنقاذ حياة على مدار اليوم
استقبال حالات الحروق 24 ساعة، 7 أيام في الأسبوع. مريض الحروق مينفعش يتحط على قوائم انتظار.
رحلة علاج متكاملة
من أول لحظة في الطوارئ، للعمليات، للعلاج الطبيعي، للرعاية النفسية والاجتماعية لحد ما المريض يرجع لحياته.
دمج وتمكين
مركز أهل مصر للدمج والتمكين بيساعد الناجين من الحروق على التعليم والتدريب والرجوع للمجتمع.
مش بس تبرع
في طريقتين كمان تشارك بيهم
31 أغسطس أو 7 سبتمبرالموعد لسه هيتأكد
جلسة توعية في المكتب
جلسة مع فريق أهل مصر عن الوقاية من الحروق والإسعافات الأولية، في مقر كاشير.
الأسبوع الثالث من سبتمبرالموعد لسه هيتأكد
زيارة للتبرع بالدم
زيارة جماعية لمستشفى أهل مصر لعلاج الحروق للتبرع بالدم.
أسئلة متكررة
التبرع بيروح لمين بالظبط؟
التبرع بيروح لمؤسسة أهل مصر للتنمية، مقيدة برقم 723 لسنة 2015 تحت وزارة التضامن الاجتماعي. الحملة دي داخلية لفريق كاشير، وكاشير بتوفر صفحة الدفع من غير أي رسوم على المتبرع.
ليه الهدف 14,656 جنيه بالظبط؟
لأنه تمن جهاز قياس تدفق الغازات ومستلزمات الأكسجين اللي مستشفى أهل مصر طلبتها. الحملة دي مبادرة داخلية من فريق كاشير: تبرعاتنا مع بعض هي اللي بتوفّر الجهاز، فكل مبلغ بيتجمع بيقرّبنا منه.
بياناتي وكارتي في أمان؟
بيانات الكارت بتتكتب على صفحة الدفع الآمنة بتاعة كاشير نفسها، مش على الصفحة دي. إحنا مبنشوفش ولا بنخزّن أي بيانات كارت.
حد هيعرف إني اتبرعت وبكام؟
لأ. مفيش أسامي ولا مبالغ بتظهر على الصفحة خالص، اللي بيظهر هو الإجمالي وعدد المشاركين بس. والاسم اللي بتكتبه بيوصل لفريق الحملة عشان نعرف مين شارك، ومش بيتنشر لأي حد.
أقل مبلغ ممكن أتبرع بيه كام؟
10 جنيه. مفيش مبلغ صغير، والحملة كلها مبنية على إن كتير من المبالغ البسيطة يوصلوا للهدف.
ينفع أتبرع من الزكاة؟
أجازت دار الإفتاء المصرية التبرع بمال الزكاة والصدقات لتجهيز مستشفى أهل مصر وعلاج الحالات، بموجب فتوى رقم 109 لسنة 2020.